Tasiilami annaasiniarneq iluatsilluartoq
Tasiilami umiatsiaararsortunik arfininngormat annaasiniartoqarsimavoq, annaassiniarnerlu ajunngitsumik kinguneqarpoq.
Umiatsiaaqqat sisamat katillugit qulingiluanik inuttallit Tasiilap avatinnguani sikorsuarnit mattussaasimapput, annaasiniarnerlu pisariaqalersimavoq piteralersimammat.
Umiatsiaaqqami inuusuttut 15-niit 17-nut ukiullit Tasiilamiit 150 meterinik avasissusilimmiittut sarfaq anorilu sakkortoqimmata qamutinik tikinniarneqartariaqarsimapput, akunnerillu marluk qaangiummata aatsaat annaaneqarsinnaasimapput, qeruttuulaarsimagaluarput ajunngillalli.
Angallatit allat pingasut Tasiilamit 500 meterinik ungasissusilimmiipput, inersimasullu arfinillit sikorsuartigut pisuinnarluni ornillugit annaaniartariaqarsimapput, akunnerillu pingasut aatsaat qaangiummata Tasiilamut inuit umiatsiallu pissunneqarsinnasimasut, Tasiilami politiit pisortaat Kristian Sinngertaat radioaviisinmut oqarpoq, arfininngormat unnukkut piterarunnaarsimavoq.
