Tasiilami angutip 39-inik ukiullip ujaarineqarnera unitsinneqarpoq
Allattoq Jaaku Lyberth
aggustip 02-at 2007 15:10
Angut 39-inik ukiulik Tasiilameersoq, marlunngormat ujaarineqartutut nalunarutigineqarpoq. Angut taanna Kulusumiit Tasiilamut umitsiamik ingerlaarsimavoq, aallarneraniillu akunnnerit marluk qaangiummata, politiit nalunaarfigineqarput, umiatsiaa inuttaqanngitsoq nassaarineqarsimasoq. Akunnerit arlallit qaangiummata politiit ujaasinertik aallartippaat, angallatit qulimiguulillu atorlugit. Politiit ullumi nalunaarput ujaasineq unitsinneqartoq. ”ujaasiffiusumi sarfarpallaarnera pillugu angut 39-inik ukiulik nassaarisinnaanissaa naatsersuutiginngilarput, isumaqanngilangalu ujaasineq siusippallaamik unitsikkipput”, Tasiilami vicepolitikommissær Michael Poulsen radiaviisimut oqarpoq.
