Tasiilami 2007-imili toqutsisimasutut pasisaq pineqaatissinneqarpoq

Piffissami killiligaanngitsumi pineqaatissinneqarsimasunut inissiisarfimmiittussanngorpoq. Angut 34-nik ukiulik Tasiilameersoq Nunatta Eqqartuussivianit toqutsisimasutut tallimanngormat eqqartuunneqarpoq.

Arnamik 33-nik ukiulimmik Tasiilami 2007-imi toqungasumik nassaarineqartumik qimminillu serlersaarfigineqarsimasumik toqutsisimasutut angut 34-nik ukiulik eqqartuunneqarpoq. Angut aamma timimik toqungasumik ileqqorluttuliorluni atoqateqarsimasutut eqqartuunneqarpoq.

Ukiut pingajussaasa qiteqqunneranni eqqartuussutip aatsaat maanna naammassinera arlalinnik pissutissaqarpoq.

- Angut Danmarkimi eqqarsartaatsimigut misissorneqarpoq misissuinerlu ilimagisaminngarnit sivisunerusimalluni. Tamatuma saniatigut suliassaq eqqartuussivimmit ingerlateqqinneqarsimavoq angutillu Danmarkiminngaanneersumik illersuisoqarnissani kissaatigalugu tamannalu aamma utaqqisariaqarsimallutigu, Nuummi politiini politifuldmægtig Zara Illum Petersen oqarpoq.

Eqqartuussinerup ingerlanerani angutip pinerluttuliorsimanerit nassuerutiginngivippai. Eqqartuussiviulli pinerluffiusumi teknikkikkut uppernarsaatit tunngavigalugit eqqartuussineq naammassillugu.

Angut eqqarsartaatsimigut misissorneqareerluni naak ulorianartutut isumaqarfigineqaraluartoq, tassa pineqaatissiineq tassaalerpoq Kalaallit Nunaanni piffissami killiligaanngitsumi nakkutigisassanngortitaaneq. Maanna pinerluuteqarsimasunik isumaginnittoqarfiup aalajangissavaa pineqaatissinneqartup Kalaallit Nunaanni sumi pineqaatissinneqarnini atussaneraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat