Taseralik ukiunik tallimanngortorsiornera saqqummersitsinermik nalliussineqassaaq
Namminersorlutik Oqartussat Kulturikkut nersornaataanik 2011-mi tunineqartoq, Kunngi, Sisimiuni kulturikkut illorsuarmi suliaminik saqqummersitsissaaq. Saqqummersitsineq februaarip arfineq aappaani ammaanersiorneqassaaq marsillu qulingata tungaanut Taseralimmi saqqummersinneqassalluni.
Allattoq Peter Troelsen, Simon Uldum
Saqqummersitsineq Taseraliup siulersuisuini siulittaasumit Jens Klaus Lennertimit ammarneqassaaq. Angutit erinarsoqatigiit pilersinneqaqqammersut, Malik, Kunngip erinniaa taaliaalu "Pavunga Qaqqamut" erinarsussavaat. Pingaarnerpaatullu eqqumiitsuliortoq Kunngi saqqummersitsinerup ammaanersiorneqarnerani najuutissaaq, kaffemik tiimillu kaaginillu aamma sassaalliisoqarumaarpoq.