Tartupalummi silasiorfiliarnialersaartut

Naak qeqertaq taanna 1,3 kvadratkilometerinik annertussusilik meqqoqanngitsoq, Kennedy Kanalimiittoq kikkunnit pigineqarnera assortuussutaagaluaqisoq, ilisimatusartut qeqertap ilisimatusarnermi misissuinermut atorneqarnerani suleqatigiinnissaq isumaqatigiissutigisimavaat.

Taamaattumik sapaatip akunnerani kingullermi silasiornermi atortunik Qeqertaalummut nassiussisoqarpoq. Nassiussisuulluni ilisimatooq soraarneq, Preben Gudmandsen Danmarks Tekniske Universitetimeersoq, aviisimi Berlingske Tidendemi taama allaaserinnittoqarpoq.

Silasiornermi atortut siullermik Canadap Avannaani sakkutooqarfimmut Alert-imut ingerlatinneqassapput. Tassanngaanniillu qulimiguulimmik Tartupalummukaanneqassallutik. Sila ajunngippat silasiorfik maajimi pilersinniarneqarpoq.