Tartupalummi silasiorfik suleqatigiissutaalersoq
Tartupalummi silasiorfik canadamiunit danskinillu suleqatigiissutigineqarnissaa qaammatini tulliuttuni piviusunngussagunarpoq
Aviisimi sapaatip-akunnerata naanerani saqqummersartumi allaaserineqarpoq, ilisimatuut marluk canadamiu Kent Moore kiisalu danskeq Preben Gudmandsen tamatuminnga suleqatigiinniarsarilerput.
Oqaatigineqarporlu suleqatigiinnissap pisortatigoortumik oqartussaasuniit naqissuserneqarnissaa kisimi amigaataaginnalersoq, naammassingajalernerarpaalli.
Massakkorpiaq danskit nunanut allanut ministereqarfiata pappiaqqatigut suliassartai ulapputigai, taakkulu naammasseriarpata canadamiut nunanut allanut ministeriaqarfiannut nassiunneqassapput.
Ilisimatuut taakku marluk neriuutigaat silasiorfimmi suleqatigiinnissaq akuerineqarumaartoq, taamaalillutik akuerineqariarpat suleqatigiinneq marsimi 2007-mi aallartissinnaaniassammat.
Danskit Canadamiullu silasiorfimmi suleqatigiissutigisassaat tassaapput;… Atortut canadameersut pigineqarnissaat kiisalu danskip ilisimatuup Gudmandsenip qarasaasiamut atortorissaarutissat tunniutissavai, taakkulu qaammataasamiit imartap sikuisa ingerlaarfiinik assilineqarsimasunik imaqarput taakkulu danskip taassuma ukiuni 15-ini katersorlugillu misissoqqissaarsimavai.
