Tartupaluk tunineqarpoq

aggustip 15-at 2006 14:14

Canadamiumit John Robins-imit 300 koruuniliinnarlugu Tartupaluk pisiarineqarpoq, Tartupalummilu ukiuni tallimani misissuinissamik taamaalilluni taanna akuerineqarpoq.

Qeqertamik tunisisuuvoq Canadami naalagaaffik.

Tartupalummik tunisineq Danmarkimit naammagittaalliutigineqarpoq. Tunineqarnerali sunniuteqarpallaarnavianngitsoq, danskit nunanut allanut ministereqarfiat aviisimut Edmonton Journalimut oqarpoq.

Nunat marluk killeqarfimmik isumaqatigiinngissuteqarangata, nunamik piginnittussaanermik aalajangiiniarnernut pissutsit taamaattut, nunat tamalaat eqqartuussivissuannut sunniuteqarneq ajorput.

Danskit nunanut allanut ministeriaqarfiata Canadamut aallartitaa, Peter Taksøe Jensen, isumaqarpoq, Tartupaluk pillugu imminut ilisimatitseqatigiittarnernut tunngatillugu Danmarkip Canadallu suleqatigiinnerat ajoquteqanngitsoq.

Canada-p Danmark ilisimatissimavaa aatsitassaqarnermik Tartupalummi ujaasisoqalersoq, John Robbinsilu siullersaalluni misissuilluni aallartittussanngorpoq.