Tartupaluk pillugu killeqarfilerngusaanneq ajorpallaarunnaarpoq

Danmarkimi Canadamilu nunanut allanut ministerit 2005-imili ukiut affakkaarlugit naapeqatigiittarput, killeqarfilerngusaanneq oqalligisigisarlugu. Københavnimi ukioq-manna maajimi kingullermik ataatsimiipput.

Nalunaarummi nutaami Canadami nunanut allanut ministeri, Lawrence Cannon, nutaanik oqaaseqarpoq.

- Canadamiut nalunaarutaanni nutaami soqutiginartoq unaavoq, Tartupaluk manna tikillugu oqallisigisaratsigu. Nutaartaavoq Canadamiit maanna oqarmata, isumaqatigiinniarnissamut piareerlutik, Thomas Winkler nutaarsiassaqartitsivimmut Ritzauimut oqarpoq.

Thomas Winkler tassaavoq nunanut allanut ministereqarfiup Tartupaluk pillugu isumaqatigiinniartartuat pingaarneq nutaaq.

Tartupalulli pillugu piumasaqaatit Kalaallit Nunaata Canadallu taamaatiinnarumassaneraat Thomas Winklerip ilimaginngilaa. Soorlu Tartupalummut ataatsimoorluni oqartussaaqatigiinnissaq isumaqatigiissutaagallarsinnaassaaq:

- Aaqqiissutissaasinnaasulli arlaqaqaat, Thomas Winkler oqarpoq.