Tartupaluk Kalaallit Nunaannut qaninneruvoq
Tartupaluk qeqertaavoq Kalaallit Nunaata Umimmaallu Nunaata, tassa Ellesmere Islandip, akornanniittoq.
Qaammataasamiit assilisat takoreerlugit Canadami oqartussaasut nassuerutigaat, nunat tamat killeqarfiata killinga, ilaatigut qeqertaq Tartupaluk, qeqqatigut killeqarfeqartoq. Siornatigut oqartoqartaraluarpoq, Tartupaluup killeqarfigisaa, qeqertaq tunoqqullugu, Canadamut qaninnerusoq.
Paasissutissat qulaajaasut, nutaarsiassaqartitsiviup Canadian Press-ip misissorsimavai.
Taamaalilluni Tartupaluk Canadap killeqarfiata iluaniikkunnaarpoq, nunat issittut nutaamik nunat assiliorfigineqarneranni takuneqarsinnaalersumik, tamannalu Ottawami naalakkersuisut akuersissutigaat.
Tartupaluk inoqarfiunngitsoq Danmarkip Canadallu pinnaassutigilerpaat, oqaatigineqarmat, pisuussutinik ulikkaartoq, soorlu uuliamik, gassimik, aatsitassanillu. 2005-mi upernaakkut isumaqatigiinngissutaareernerata kingorna, Danmarki Canadalu arlaleriarlutik ataatsimeeqatigiittarsimapput. Kingullermik juunip ulluisa 18-ianni Ottawami ataatsimeqaatigiipput.
