Tartupaluk erfalasulerneqaqqikkujoq

Qeqertaq assortuussutaasoq Tartupaluk siorna juulip qaammataani canadamiut anneruniutigalugu piginnittuunerminnut uppernarsaatitut sorsunnersuarmi kingullermi Manerassuarmi qeqertamiit qeqertamut sorsunnertut amerikamiut qeqertaaqqamik Iwo Jima-mik tiguaasimanerat assilillugu erfalasulerpaat, taama allappoq nutaarsiassaqartitsivik Ritzau.

Assit isertat canadami aviisit ilaanni National Post-imi saqqummiunneqartut ersersippaat sakkutuut arfineq-pingasut erfalasulerfik napparsimasartik ungullugu erfalasortik amoortillugu kaajallassimallugu nikorfasut.

Tamat oqartussaaqataanerannut inatsit tunngavigalugu National Post-imi aaqqissuisut assit pissarsiarisinnaasimavaat, takusassiaralugulu Nunatta Canadallu qeqertaq meqquitsoq pinnaassutigisaat.

Qeqertaq suisangaarmat erfalasulerfik napatinniarlugu sakkutuut timmisartuannik ujaqqanik aalleqqaartariaqarsimapput.

Avinngarusimasumiikkaluartoq inuit pikataassusaasa ilisarnaataannik eqqakkanik, allattuinernillu qeqertannguaq ulikkaavissoq, National Post-ip maluginiarsimavaa.

Erfalasumik amusineq taaguuserneqarsimasoq ”Iliuuseqarneq kiggiaq qerisoq” - sapaatip akunnerata qaangiunnerani canadap illersornissamut ministeria Bill Graham erfalasulerfiup saniitilluni assilisissimavoq.

Qallunaat nunanut allanut ministeriata, konservativiusup Per Stig Møller-ip septemberimi taamaaqatini canadamiu Pierre Pettigrew, Josef Motzfeldt-ilu naapeqatigiinnerminni Tartupaluk pillugu erfalasulerngusaakkunnaartoqaqquaa.

Tartupaluup siunissaa pillugu Danmark-i, Nunarput Canada-lu atorfillit akornini isumaqatigiinniassutigineqalerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat