Uummannami isumaginninnermut ilaqutareeqarnermullu ingerlatsivimmi aqutsisuugallartoq Kristine Samuelsen.Assi: KNR // Anton Gundersen Lihn

Tassaarsuaq: Tarnit pissusaanik ilisimasallit piareersimassasut

Siorna juunip 17-ni ajunaarnersuaqarneraniit ukioq ataaseq qaangiukkiartulerpoq. Taamaattumillu Nuugaatsiamiit Illorsuarniillu qimagussortinneqarsimasut taamatullu Uummannami innuttaasut misigissutsimikkut utersaartoorsinnaanissaat sillimaffiginiarlugu tarnit pissusaannik ilisimasalinnik Uummanami piareersimasoqarpoq.

Ajunaarnersuup kingunerisaanik misigissutitigut utersaartoortoqarsinnaammat psykologit katsorsaasullu tallimat Ilulissani Ilaqutariit Illuanneersut maanna Uummannamiipput piareersimallutik.

Siorna pisoq nunaqarfinni Uummannamilu innuttaasunut misigissutsikkut oqimaassimaqimmat misigissutsikkullu utersaarfiusinnaammat ullut makku ikiuunnissamut piareersimaffiusut Uummannami isumaginninnermut ilaqutareeqarnermullu ingerlatsivimmi aqutsisuugallartup Kristine Samuelsenip oqaatigaa:

AAMMA ATUARUK Eqqugaasut oqaloqateqaqqissapput

- Massakkut psykologit maaniipput. Allagarsiinikuuvunga taavalu pisariaqartitsissappata sianerfissaqartillugit, soorlu maanimiut aamma sianersinnaapput, normumut 490835, taanna sianerfissaavoq. Psykologit maaniipput, tassa sumilluunniit sakkortuumik pisoqarsimatillugu ulloq nalleraangat tamatigut utersaartoortoqartarami. Taava aamma sulisuusugut sillimaqataapput, Kristine Samuelsen oqarpoq.

AAMMA ATUARUK Tarnip pissusaanik ilisimasalimmik oqaloqateqarnissaq suli pisariaqartinneqartoq

Tarnit pissusaannik ilisimasallit tallimat juunip 20-ata tungaanut Uummannamiissasut aamma kommunemit paasissutissiissutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat