Assi: Pressefoto

Tarnip pissusaanik ilisimasallit qassit pisariaqartinneqarnersut ilisimaneqanngitsoq

Nunatta tarnip pissusaanik ilisimasalinnik qanoq pisariaqartitsitigineranik tamakkiisumik paasissutissaqanngilaq, tarnillu pissusaanik ilisimasallit qassit nunatsinniinnersut aamma nalornissutigineqarluni. Tamanna ilinniartitaanermut, kultureqarnermut ilageeqarnermullu naalakkersuisup Ane Lone Baggerip paragraf 37 atorlugu apeqquteqaammut akissutaani atuarneqarsinnaavoq.

- Tarnip pissusaanik ilisimasallit arlalinni pisortani namminersortunilu atorfeqarmata pisariaqartitsineq pillugu tamakkiisumik paasissutissaqanngilaq.

Ilinniartitaanermut, kultureqarnermut ilageeqarnermullu naalakkersuisoq, Ane Lone Bagger taama allappoq.

Tarnip pissusaanik ilisimasalinnik nunatsinni qanoq pisariaqartitsitigineq pillugu Inuit Ataqatigiinneersup Aqqa Samuelsenip paragraf 37 atorlugu apeqquteqarpoq. Akissutissarsiffiginiagaali naalakkersuisoqarfiup tamakkerlugit akisinnaanngilai.

 

AAMMA ATUARUK Immikkoortortaqarfimmi Tasiilami pisortap suliniut ilassilluaraat

Aamma tarnip pissusaanik ilisimasallit nunatsinni sulisut qassiunersut nalornissutigineqarpoq.

Tarnip pissusaanik ilisimasallit 53-it Dansk Psykolog Foreningimi nalunaarsugaasut naalakkersuisoq paasissutissiivoq. Amerlassusaalli allaanerusinnaavoq.

- Imaassinnaavoq peqatigiiffimmi ilaasortaanngitsunik tarnip pissusaanik ilisimasalinnik allaqartoq, Ane Lone Bagger allappoq.

AAMMA ATUARUK Kinguaassiutitigut kanngutsaatsuliorfigineqartut pilertortumik ikiorneqartassapput

Taamaammat nunatsinni tarnip pissusaanik ilisimasallit qassit kalaallisut oqaluttuunersut naalakkersuisoqarfiup aamma paasissutissiissutigisinnaanngilaa.

Paasisimasalli amigaateqaraluartut, tarnip pissusaanik ilisimasalinnik amerlanernik pisariaqartitserpasippugut.

- Qanoq annertutigisumik pisariaqartitsisoqarnera pillugu Dansk Psykolog Foreningimut apeqquteqaateqarnermi peqatigiiffik akivo,q utaqqisut nalunaarsorsimanerisa ersersikkaat, amerlanerusunik pisariaqartitsisoqartoq, kisitsimmilli taasinatik, Ane Lone Bagger allappoq, ilanngulluguli oqaatigalugu, ukiumut 5.300-8.000-it nunatsinni tarnip pissusaanik ilisimasalimmit ikiorneqartartut Dansk Psykolog Foreningimit missiliorneqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat