Tarnip pissusaanik ilisimasalimmik atorfinitsitsisoqarnissaa kissaatigaat
- Allanik ikiortissaqarneq ajorpugut iisartakkat, iisartakkat.
Tito Johansen oqarpoq. Tito 1999-imi paranoidskizofrenimik tassalu piviusuunngitsunik takorluuinikkut annilaangarujussuarternermik misigisalerluni napparsimalerpoq, aatsaallu ukioq manna tarnip nakorsaannik oqaloqateqarluni periarfissinneqarami nappaatini sunarpiaanersoq paasivaa.
- Nuummiikkama aatsaat misilippara pingasoriaq, tarnip pissusaanik immikkut ilisimasalik oqaluuppara assut pissarsisorujuuvunga tassuunatigut. Tassa pisariaqartittorujuugaluarpara uanga pissutigalugu una Psykiateri tarnip pissusaanik immikkut ilisimasaqannginnami, iisartakkanik agguaaginnartarpoq allamik naamik, una tarnip pissusaanik immikkut ilisimasallip tusarnaaqqaartarpaa inuk annissuisoq.
Tito Jahansen tarnip nakorsaannik oqaloqateqarnermi kingorna neriuuteqalerpoq.
- Oqiliallappunga kisianni suli takkunniarsarisarami ilaanni qasoqqasarlungalu misigisimasarama, assoroornartartorujuuvoq tarniluttuulluni aaqqikkusukkaluarpunga. oqaluulluartaleraluarukku tarnip pissusaannik ilisimasalik, qallunaatut oqartarput nedtrappessagaluarpakka pissutigalugu uanga ajunngitsutut misigisimasarama ilaa, uffa suli uummammioqarlunga annikkusussinnaasannik, Tito Johansen naggasiivoq. Qaasuitsup Kommuniani inunnik isumaginninnermut pisortaq ataatsimiimmat oqaaseqartissinnaasimanngilarput, kiisalu Borgmesteri Jess Svane inuussutissarsiornermut isumasioqatigiinnermi peqataammat iluatsissinnaasimanagu.