VIDEO Tarnip pissusaanik ilisimasalik: Kinguaassiuutit atornerat pillugu meeqqat oqaloqatigineqartarlik

Meeqqanik kinguaassiutitigut atornerluisarnerit unitsinneqarsinnaapput assigiinngitsorpassuartigullu iliuuseqartoqarsinnaavoq. Tarnip pissusaanik ilisimasallip Inuk Bourup-Nielsenip angajoqqaat suliniuteqarfigerusuppai.

- Qitornartaarnissaq toqqarsimagaanni aamma akisussaaffimmik tamanna malitseqartarpoq. Meeqqap angajoqqaani ima toqqissisimanartigissavai nammineerluni oqaluttuarfigisinnaassallugit. Pisortat, politikerit tarnillu pissusaanik ilisimasallit kisimik iliuuseqartussaanngillat.

- Perorsaanermut tunngatillugu, ammanerusumik pissuseqartoqartariaqarpoq paquminartullu paquminarunnaarsillugit, taava meeraq timini pillugu ilinniartinneqassaaq naaggaarnissaanillu aamma ilinniartinneqarluni.

- Kiinnap pissusaa eqqartorneqartupilussuuvoq, kinguaassiuutilli eqqartorneqartarpat, sumut atugassaappat qanorlu paarisassaappat? Ima paqumigineqartigaat, allaat meeqqat kinguaassiuutit pillugit isiginnittaasiat allaalluinnaasinnaalluni. Meeqqat mikinerminiilli kinguaassiuutitik sianigisariaqarpaat, tamanna nalinginnaalluinnartuuvoq paqumigineqartussaananilu, taama oqarpoq.

Isummersuutit


 

Pages