Tarnimikkut napparsimasut ikiorniarneruneqarput
- Angajoqqaanut, ilaqutaasunut qanigisaasunullu sulissussisarnerit nutaat pisariaqartippavut. Assersuutigalugu meeqqat tarnimikkut napparsimasunik angajoqqaallit meeraqatitik namminertulli napparsimasunik angajoqqaallit naapissinnaaniassagamikkik kiserliortutullu misigiunnaarniassammata katersuuffigisinnaasaminnik napiffigisinnaasaminnik peqalertariaqarput, Doris Jakobsen tusagassiuutinut nalunaarummini allappoq.
Taanna amma allappoq, angajoqqaat tarnimikkut napparsimasunik qitornallit eqqarsaatigalugit, taakkununnga ilinniutaasinnaasut atuakkat nutaat maanna pigineqalersimasut.
- Assersuutigalugu tusagaqarpugut suliamik angajoqqaat sakkussaminnik tunineqartut namminneq meeqqat ernumasut ikiorsinnaaniarlugit aammalu atuarfimmi atugassat tarnikkut napparsimasumik angajoqqaaqarneq. Tamanna misissorusuppara ilinniarfigisinnaaniassagatsigu, Doris Jakobsen allappoq.
Tarnikkut nappaatit pillugit Nunani Avannarlerni ataatsimeersuarneq, danskit peqqinnissaq pillugu ministeriannit, Sophie Løhdemit siuttuuffigineqartoq, Kunngissap nuliata Mary-p ammarpaa. Taassuma ammaanermini oqaatigaa, tarnimikkut nappaateqartut taakkulu ilaqutaat qanigisaallu tapersersorneqartariaqartut.