Tarnimikkut napparsimasut Danmarkiliartinneqartarnerat isornarpoq

Kalaaleqativut eqqarsartaatsimikkut napparsimasut, Kalaallit Nunaanni sulisussanik ilinniarsimasunik amigaateqarneq pissutigalugu, Danmarkimut ilaatigut aallartinneqartarput. Tarnimikkut napparsimasut 18-it ullumikkut Danmarkiliartinneqarnikuupput.
aggustip 29-at 2008 16:56

Tarnimikkut napparsimasut ilaqutaasullu peqatigiiffianni Nuummiittumi ”Sugisaq”-mi siulittaasoq Esekias Therkelsen aperaarput, tamanna qanoq sunniuteqartarnersoq, akivorlu:

Kulturi inuiaqatigiillu qimallugit allaqqinnaamut pineq taanna ajoraluaqaaq.

Tarnikkut nappaatillit Kalaallit Nunaanniittut inoqatiminnut ulorianartorsiortitsisinnaasut Danmarkimut aallartinneqannginnerat illersorneqarsinnaanersoq Sugisami siulittasoq aperaarput, imalu akivoq:

-Sulisukinneq inissiisarfeqannginnerlu, pingaartumik sakkortuumik nappaatillit eqqarsaatigissagaanni, illersorneqarsinnaanngilaq, Esekias Therkelsen oqarpoq.

Peqatigiiffiup suliniuteqarnera pillugu ima oqarpoq:

Nunatsinni tarnikkut napparsimasunik sullissineq ilinniarsimasunik sulisoqarluni annertusiartortinneqarpoq.

Tarnimikkut Nappaatillit ilaqutaasalu Nuummi peqatigiiffiat 30-it missaanni ullumikkut ilaasortaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq