Tarnimikkut innarluutillit atuarfeqalernissaat naalakkersuisup itigartitsissutiginianngilaaa
”Innarluutillit immikkut atuarfeqarnissaannik kissaateqarneq soorunami naalakkersuinikkut nalilersugassaavoq kissaatigineqarpat annertuumik”
Tommy Marøp erseqqissaatigaa angajoqqaat sullissisullu oqariartuutaat tusaanngitsuusaaginnarneqarsinnanngitsoq.
”Qilanaaraara uani piffissami qaninnermi qanitsumi aggersumi Innarluutillit atuarfiat Ilulissaniittoq pulaartussaavara aamma qularnanngilaq ulluinnarni sulisui ilinniartitsisuilu ingerlatsisuilu naaperiarukkit pisariaqartitsineq qanoq annertutiginersoq aamma ersarinnerulissasoq uagutsinnut”
Tommy Marøp erseqqissaatigaa kommunerujussuit pilersinneqariarpata namminneq aaqqissuussilluarnerisigut tarnimikkut innarluutilinnut immikkut atuarfeqalernissamik pisariaqartitsisut amerlassusaat aallaavigalugit Namminersornerullutik Oqartussat suleqatigalugit tarnimikkut innarluutillit atuarfissaannik pilersitsisoqarsinnaanissaa.
”Avaqqukkuminaatsorujussuuvoq isumaliutigeqqissaagassaallunilu innarluutillit immikkut atuarfeqarnissaat Ilulissat saniatigut sinerissap ilaani nunap immikkoortuini”
Taamaasilluni Ilulissani tarnimikkut innarluutillit atuarfiata erloqissutigisartagaat aaqqinneqarnissaminnut neriuutissaqarsorinalerput, taamatuttaarlu angajoqqaat tarnimikkut innarluutilinnut immikkut atuarfeqartariaqarneranik kissaateqarnerat neriuutissaqarsorinarsilluni
