Tarnikkut peqqissuuneq Sisimiuni sammileraat
Pinaveersaartitsinermik siunnersortit, miljøarbejderit sunngiffimmilu ornittakkanit Sukorsinit Nutaraq-miillu tarnikkut peqqissuuneq pillugu oqallinnissamut qaaqqusipput, oqallinnissarlu Taseralik-mi ingerlanneqassaaq.
Ilaatigut nerisassat eqqortut, illoqarfimmilu arnat angutillu ikorfartoqatigiit pillugit saqqummiisoqassaaq. Quianartunik ataatsimoortumillu erinarsoqatigiinnernik aamma nalaataqassaatit, Qeqqata Kommunia nittartakkamini taama nalunaaruteqarpoq.
Aaqqissuussineq arfininngormat apriilip 20-iani nal. 13.00 aallartissaaq nal. 16.00-ilu erinarsoqatigiinnermik naggaserneqassalluni.
Aajuna programmi:
13:00 Tikilluaqqusineq
13:10 Erinarsoqatigiinneq
13:10- 13:30 Nerisat pillugit saqqummiineq - Cecilia- Karla Olsen, Peqqissaavik
13:30-13:40 Utoqqaat erinarsoqatigiit
13:40-14:20 Arnat angutillu ikorfartoqatigiit pillugit saqqummiineq
14:30-15:10 Kalattut qitsinnermik takutitsineq - misiliisoqarsinnaavoq.
15:15-15:40 Illarneq
15:45-15-50 Utoqqaat erinarsoqatigiit
15:50-16:00 Erinarsoqatigiinneq
Kaffe, The, nagguteeqqat, naatitallu sassaalliutigineqassapput