Tarnikkut napparsimasunut siunnersuisarfeqalerput
Tarnikkut nappaateqarnermut tunngasunik sunilluunniit apeqqutissaqaraanni ualeq manna akissutissarsisoqarsinnaalissaaq.
Apeqqutinik akisineq Nuummi tarnimikkut napparsimasut immikkoortortaata illuani Ikaarsaariarfimmi ualeru nal. pingasuniit tallimat tungaanut ingerlanneqarssaaq. Siunnersuinissaq soqutiginnittunut tamanut ammavoq.
Siunnersuinermi pillorissaasoq Mêrak Reimer peqqissaasorlu Aviâja Kanuthsen apeqquteqarfigineqarsinnaapput.
- Neriuppugut tarnimikkut napparsimasunut tunngasut pillugit nalornissutillit nassuiaallugit paasisaqartilluarsinnaassallutigit.
Siunnersuinissarput kikkunnut tamanut, soorlu tarnimikkut napparsimasunut ilaqutaasunut, tarnimikkut napparsimasunut, immikkullu ikiorserneqarsimanngitsunut ammavoq,, Mêrak Reimer oqarpoq.
Tamanut ammasumik siunnersuisarnissaq ukiup affaani sivisussuseqartussaavoq, marlunngornikkullu sapaatip akunnera allortarlugu ingerlanneqartassalluni.
- Siunnersuisarnerput aasaru naliliiffigineqassaaq, iluatsilluarsimassappallu ingerlaqqinnissaa naatsorsuutigaarput, Mêrak Reimer oqarpoq.
Tarnikkut nappaatit pillugit illumut Ikaarsaariarfimmut ornigulluni oqaloqatiginnittoqarsinnaavoq, imaluunniit oqarasuaatikkut sianertoqarsinnaavoq normumut uunga: 34 41 36, tassalu normu 34 41 36.
