Taratsut flourillit illersuutaasinnaasut
Taratsut flourimik akullugit kariesinik kigutini pilersitsinaveersaarutitut europami amerkamilu nunani 15-nini atorluarneqalersimapput, paasineqarporlu 50 procenti angullugu kigutinut illersuutaalluni putoqalersitsinaveersaataasinnaasoq,
peqqinnissaqarfimmi kigutit nakorsaasa pisortaat Finn Mathiassen oqarpoq.
Taanna aamma oqarpoq taratsut flourinik akusat angerlarsimaffinni atugassat illersuutaalluarsinnaasut. Imertulli flourimik akusatulli pitsaatigisumik kigutini putoqalersitsinaveersaatitut atorneqarsinnaapput.
Nunatsinni imeq flourimik akusaq atorlugu illersuutitut siornatigut atorneqariaraluarsimavoq, akisuallaarmalli pisariuallaarmallu qimanneqareersimavoq.
Taamaammat taratsut flourimik akusat ullumikkut illersuutigissallugu ajornannginnerulersimavoq, suliarineri pisareeqimmata.
Nunatsinni kigutigissaanermik suliallit taratsunik flourimik akulinnik illersuutitut atorsinnaaneri 2002-mili siunnersuutigaat, nunarpullu tamakkerlugu pilersaarusiornermut atatillugu ukiarmi eqqartuinermi qaqeqqinneqarsimavoq, tassalu maanna tusarniaasutiginneqalerluni.
Taratsut flourimik akullit tuniniarneqartalissanersut tusarniaasoqarniarpoq, upernaamullu tusarniaanermi paasisat naalakkersuisunut ingerlateqqinneqassapput, politikkikkullu piumassuseqartoqassappat tuniniarneqartalersinnaapput.
