Taquanik nerisaqartarnissaq tamanut

- Nunatsinni meeqqat atuarfiini tamani atuartut pinngitsooratik nerisinneqartarnissat sulissutigineqartariaqarpoq. Taama Inatsisartuni ilaasortaq Aqqaluk Lynge, Inuit Ataqatigiit, siunnersuuteqarpoq. Siunnersuutaa Inatsisartut ippassaq oqaluuseraat.

- Atuartorpassuit akornanni meeraqartarpoq angerlarsimaffimmi pissutsinik peqquteqartumik ullaakkorsioratilluunniit atuariartortariaqartatunik.

Aamma atuartut amerlaqaat kaasarfimmiuminnik mamakujuttunut sodavandinullu atuisartut- kingutilussaatinut, Aqqaluk Lynge oqarpoq. siunnersuuteqarnermini kommuneqarfiit nammineersinnaatitaanerannik innarliiniarneq siunertaanngitsoq erseqqissaatigaa. Kommunelli arlallit iliuuseqarsinnaasannginnerannut aningaasat aporfiusartut oqarpoq.

- Isumaqarpunga ajunngilluinnartoq, amerlanerit siunnersuut illersormassuk, aamma ilanngullugu siunersuutigivara aningaasatigut inatsimmut ilanngunneqarnissaa, Aqqaluk Lynge oqarpoq nangillunilu;- Aamma ilanngullugu oqaatigivara kommuneqarfiit kattuffiat saaffigineqassasoq, taannaammat nunatsinni atuarfeqarnermut oqartussaasoq. Aningaasatigut ajornartorsiortut qanoq ililluni iliuuseqarfigineqarsinnaanersut aamma misossorneqartariaqarpoq.

Aqqaluk Lyngep siunnersuutaa Inatsisartuni partiinit amerlanerussuteqartunit tikilluaqquneqarpoq, taamaattorli siunnersuutip ukiaru aappassaaneerneqartigani ataatsimiititaliamut ingerlateqqeqqaarneqarnissaa naalakkersuisunit innersuussutigineqarluni, meeqqat atuarfiannut tunngasut kommuninit isumagineqartussaammata.

Naalakkersuisut siulittaasuata Hans Enoksen-ip akissuteqarnermini erseqqissarpaa siunnersuutip qanoq ililluni pitsaanerpaamik qulakkeerneqanissaa anguniarlugu KANUKOKA oqaloqatigineqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat