Tappiorannartut nanot amerlunnarput
Misissuinerup paasinarsisippaa ilaatigut cremit amequsunnaaveersaatit taamaattunik akullit amikkut eksemeqalersitsisinnaasut.
Tappiorannartunik poortuilluni teknologi tassaavoq poortuutissat isaannarnit takuneqarsinnaanngitsut pigineqartarmata taavalu stoffit sunniuteqarsinnaasut immiunneqarlutik taamaalillutillu ammimi ilorpasinnerusumut ingerlasinnaallutik.
Teknologi taanna pinnersaasiornermi atorneqartarpoq, soorlu creminut amequsunnaveersaatinut, arlaannik sapigaqartartut pillugit Gentofte Hospitalimi ilisimatusarfimmi misissuinermik sulialik nakorsaq Jacob Torp Madsen oqarpoq.
Misissuinitta paasinarsisippaa stoffi taamaattoq poortuutissanut isaannarmik takuneqarsinnaanngitsunut pooraanni, taava soorlu tipigissaatinik sapigaqareersunut sapigaqalersitsisinnaassusia annerulersarpoq, cremilu teknologimik taamaattumik akulik atorunikku sapigaqarnerat annertoorujussuanngortaluni, sapigaqartanngikkaluaraannilu sapigaqalersitsisinnaalluni.
Soorlu cremit amequsunnaveersaatit ulorianaateqarsinnaasut takuneqarsinnaanngillat, taamaattorli suut sianiginiarneqarsinnaasut paasineqarsinnaallutik.
Tassaagajuttarput cremit, taakkunanilu atuarsinnaavat liposomer imalt. mikrokapsler, taakkuuppullu ussassaarutigisarunagaat, creminilu ussassaarutiginngisaanni taava suut akugineqarnersut qimerloorneqartariaqarlutik, taavalu cremit taakkua sorliunersut oqaatigineqarsinnaanngingajallutik.
Jacob Torp Madsen isumaqarpoq cremit inerteqqutaalersinnissaat oqaatigissallugu piaarpallaartoq. Taakkua qanoq ajornartorsiutaatiginersut mikrokapselinullu atorneqartartunut allanut ilanngullugit misissorneqartariaqarlutik, DR taama ilanngutassiivoq.
