Tapiissutit utertikkusuppaat

Kujataani angallanerup pitsaannginnera takornariaqarnermut ajoqutaasoq, takornariartitsinermik sullissisoq, Destination South Greenland-meersoq Tina Jensen oqarpoq.

- Maajip aallartinneranili København/Reykjavik aqqutigalugu angalaniarneq ajornartorsiutaalerpoq, aammalu kujataata iluani angalaniarneq ajornartorsiutaalluni. Angalatitsivinnit saaffiginnissuterpassuit allatut ajornartumik ima akisariaqartarsimavagut:- Qulimiguulimmik angallassinerit tamarmik inissaarussimammata, allatut ajornartumik ikiorsinnaanngilatsigit, Tina Jensen oqarpoq.

Qaqortup Narsallu akornanni angallataasussamik misiliilluni angallammik pisisoqarsimagaluarpoq, piffissamili angallaffiorpianngitsuni suliassaaleqisoqartarnera pissutaalluni, angallat tunineqaqqereerpoq.

- Kujataani angallassinerup aningaasatigut tapiissuteqalerteqqinneqarnissaa eqqarsaatigeqqittariaqarpoq, tassami kujataani innuttaasut angalassatillutik aningaasartuuteqarnerulersimapput. Aamma angallannermut aaqqiisimaneq takornariaqarnermut ajoqutaaginnarpoq, Tina Jensen naggasiivoq.