Tapiissutit qinersinerup kingornanut utaqqisillit

Politikerit imminnut isumaginissartik pikkoriffigisariaqarpaat, aamma taamaappoq qinigaaqqinnissaq pineqaraangat. Kisianni allatut periaaseqartoqarsinnaavoq, unammillerniartut nutaat pitsaanerusumik atugassaqartinnerisigut. Taama isumaqarpoq Nikoline Ziemer, peqatigiiffik Sorlaat Partiiat sinnerlugu siullermeerluni qineqqusaartoq.
Allattoq Louise M. Kleemann
marsip 27-at 2008 08:11

- Qinigassanngortilluni soqutiginaqaaq, unammilligassaqarnaqalunilu. Aammali aporfissarpassuaqarpoq, Nikoline Ziemer oqarpoq.

Taanna isumaqarpoq qinigassanngortinniarluni tapiissuutinik atornerluisinnaanneq pinngitsoortinniarneqarsinnaasoq, soorlu oqarluni 100-t sinnerlugit qinerneqaruit tapiiffigitissinnaavutit 100-llu ataallugit qinerneqaruit tapiiffigitissinnaanngilatit. Taamaalilluni qinersinerup kingorna aatsaat tapiiffigitittoqarsinnaasunngorlugu aaqqiisoqarsinnaalluni. Taamaalilluni tapiissutinik atornerluisinnaaneq pinngitsoorneqassagaluarpoq.

Sorlaat Partiiata siulittaasuaisumaqarpoq.

- Uanga qineqqusaarnera aningaasatigut nammassinnaavara, kisianni maannakkut nunatsinni kisimiillutik qinigassanngortittut allat sisamat uattut periarfissarissaartiginngillat, Nikoline Ziemer naggasiivoq.

Sorlaat Partiiat partiitut qinigassanngortinnissaminut suli akuerineqanngilaq. Tassami partiit kommunimut qinersinermi kingullermi qinigassanngortitaqartut kisimik tapiiffigineqarsinnaammata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq