Tapersersorteqartitsinermik suliniut kommunimit aningaasaliiffigineqartoq
Aningaasat ukiunut tulliuttunut pingasunut agguaanneqartussat katillugit 500.000 koruunit. Tassa Københavnimi Kalaallit Illuutaata kalaallinut Danmarkimut nooqqammersunut pitsaanerusumik inuuneqalernissaannut suliassanut aningaasaliissutigineqartut.
Allattoq Thomas Munk Veirum
Nutserisoq Mads Lynge
Aningaasat kalaallinut inuuniarnermikkut ajornartorsiuteqartunut akuunerulersitsiniarnermut tapiissutit satspuljeneersut aqqutigalugit atorneqassapput, aningaasallu tapersersorteqartitsilluni aaqqissuussinerup "Ilik"-up annertusarneqarnissaanut.
Københavnimi Kalaallit Illuutaat tusagassiuutinut taama nalunaaruteqarpoq.
"Ilik" tassaavoq nammineq kajumissutsiminnik qanimut tapersersortitut sulisut pillugit aaqqissuussineq.