Tanbreezip suliniutaa pillugu Ilimmarfimmi tusarniaalluni ataatsimiisitsisoqassaaq
Killavaat Alannguanni piiaaviliornissaq pillugu unnugu nal. 19.00-ip 22.00-llu akornanni tusarniaalluni ataatsimiisitsisoqassaaq. Aatsitassarsiutileqatigiiffik Tanbreez Mining Greenland, illoqarfiit pingaarnersaanni innuttaasunik suliniutini pillugu paasissutissiilluni ataatsimiisitsinissamut qaaqqusisuuvoq.
Allattoq Peter Troelsen, Simon Uldum
novembarip 20-at 2013 08:37
Tanbreezip Killavaat Alannguanni saffiugassanik qaqutigoortunik feldpartimillu piiaanissamut atatillugu atuinissamut akuerineqarnissamik qinnuteqaatini septembarip qaammataani tunniuppaa. Qinnuteqaat tunniunneqarmat tusarniaaneq aallartinneqarpoq, taannalu pilersaarut malillugu decembarip aappaata tungaanut ingerlanneqassalluni. Nuummilu innuttaasut tamanna sioqqullugu suliniut pillugu paasisaqarnerunissaminnut periarfissinneqarput.
Unnugu ataatsimiisitsinermi peqataasut Tanbreezermiunut apeqquteqarsinnaapput, tusarniaanermullu atatillugu allagaatit attuumassuteqartut tamaasa Tusarniaavimmi pissarsiarineqarsinnaapput.
