Tammaaneqartoq paniata ujalerpaa

Qeqertarsuatsiaaniit aallanngilaartoq ullaaq oqaluupparput. Politiit ullut maluinnaat ujaasereerlutik taamaatiinnarnerat assut uggoraat.

- Unitsiinnavinneqarnera pakatsinarnermik ullut marluinnaat ujagaassaguni uppernaappallaajusakkami soorunaana nangikkusuummerparput, Dorthennguaq Jørgensen oqarpoq.

Umiatsiaq nassaaralugu Qeqertarsuatsiaarmiup Hans Henrik Berthelsenip sapaammi anorlilinnginerani angerlaleramik kalippaat.

- Ippassaq kalerrikkamisigut, taava aalajangerpugut Nuummiit Qeqertarsuatsiaaliariarluta taanna atorlugu ujarniarlugu, oqarpoq.

Paamiuni Politiit umiatsiap atornissaanut itigartiteqqaarsimasimagaluarput, Nuummili politiit akuliunnerisigut akuerineqarput.

- Paamiut politiivinut sianersimapput atorsinnaagipput ujaasissutigalugu, kisianni allamut atoqqunngilaat ujarlernerinnarmut. Orsersoriarluta tassa ullaap tungaagut aallassaasut, Dorthennguaq Jørgensen oqarpoq.

Dorthennguaq Jørgensen aappanilu Mikael Petersen allamik angallammik ingiaqateqarlutik Allumersap kujataanut Qunnermut ujaasiartoqqaarnissartik siunniuppaat.

Ateq Hans Henrik ilanngutassiami taaneqartoq tassaavoq Kristian Jørgensenip aavariaqataanik Heine Petersenimik siumuilluni ujaasisut helikopteriannik kalerrisaarisoq, umiatsiaannillu saavissimasumik tippussaaqqasumik nassaaralugu Qeqertarsuatsiaanut avannamukaassisoq.

Najâraq Egede ilanngutassiamik suliarinnippoq.