Tamarmik eqqortumik oqalunnerarput

Klamydiamik tunillatsissimasut suli amerlavallaarujussuartut kisitsisit kingulliit takutippaat. Kisianni misissorneqartartut amerleriarnerannik ersiutaanersoq imaluunniit illersuuteqarnani atoqatigiinnemik ersiutaanersoq nakorsat marluk assortuussutigaat.

Tunillatsissimasut amerlassusiat qulakkeerlugit Peqqinnissaqarfimmit paasineqarsinnaanngikkaluartut, tunillatsissimasut amerlapput. Klamydiamik tunillatsissimasut siornaak 2008-mi 2.504-t nalunaarutigineqarput. Danmarkimi tunillatsissimasunut sanillillugit quleriaammik amerlanerullutik.

Kalaallit Nunaanni klamydiamik tunillatsissimasut amerlassusiinik Danmarkimut sanilliussineq ingasappallaartoq, Nuummi nakorsiartarfimmi pisortaq Jesper S. Olesen isumaqarpoq. Kalaallit Nunaanni klamydiamik tunillatsissimasut paasineqartartut misissorneqartartullu Danmarkimut sanilliullugit amerlanerujussuummata.

- Kalaallit Nunaanni tunillatsissimanerlutik misissortittartut nunarsuarmi amerlanersaagunarput. Danmarkimi misissortittartut amerlanerusuuppara tunillatsissimasut amerlanerujussuit paasineqartarnissaat qularutiginngilara, Jesper Olesen oqarpoq.

Danmarkimi kinguaassiuutitigut misissuisarfinni veneriani misissortittartut Kalalallit Nunaannut sanilliullugu ikinnerujusuupput.

Tunillatsissimasut paasineqartarnerat Kalaallit Nunaanni ajornannginnerummat paasineqartartut kisitsinngorlugit amerlanerupput Jesper Olesen oqarpoq.

Jesper Olesenip taamatut oqarnera Nunatsinni nakorsaanermit Flemming Kleist Stenzimit isumaqatigineqanngilaq.

Misissortittartut amerlanerunerat tunillatsissimasut amerlanerunerannik oqarneq ilumoorsorinngilara, isumaqarpunga assigiingajattut Flemming Stenz oqarpoq.

- Kalaallit Nunaanni klamydiamik tunillatsissimasut amerlasoorujussuupput Danmarkimi tunillatsissimasunit amerlanerullutik. Kisianni kisitsisit assigiipajaarput suli amerlavallaarujussuarlutik, Flemming Kleist Stenz oqarpoq

- Klamydiamik tunillatsittarnerit pinaaveersaarniarlugit ukiorpassuarni sulisimavugut. Piffissap ilaani ikinnerulerput, maannakkulli annikitsunik amerleriaqqipput.

Illersuuteqarani atoqatigiittoqartarnera tassunatigut takussutissavoq, tamannalu qanoq iliuuseqarfigisariaqarparput, Flemming Kleist Stenz oqarpoq.

- Illersuuteqarlutik atoqatigiittartut amerlaneruppata tunillatsittartut ikinnerussapput, taamaaliornikkut iisartakkanik unioqqutitsilluni tikisitsisarneq kilillersimaarneqassagaluarpoq, Nuummi nakorsiartarfimmi pisortaq Jesper S. Olesen oqarpoq.

- Kinguaassiuutitigut nappaatit pinaveersaartinneqarnissaannut usuup puiisa atorneqartarnissaat pillugu kaammattuijuarpugut, taakkua atorneqartartillugit ajornartorsiutit tamakkua pinngitsoorneqarsinnaassagaluarmata, Jesper S. Olesen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat