Tamangajalluinnarmik titartakkanik ilanngussaqarput

Danskit aviisii 17-it ippassaq saqqummernerminni Muuamaat ilaarutigalugu titartakkanik ilanngussaqarput.

Danskit politiiivisa isertortumik paasiniaasartuisa PET-ip Muuamaat ilaarutigalugu titartaasumik toqutsiniarsimasutut pasisanik tigusarinninnerata kingornagut, aviisit saqqummernerminni Muuamaat ilaarutigalugu titartakkanik ilanngussaqarput.

Danskit musliimit siunnersuisoqatigiiffiata, Det Danske Muslimers Rådip, titartakkat aviisini saqqummersinneqaqqinnerat persuarsiutigivallaanngilaa. Taamaattorli siunnersuisoqatigiiffiup oqaaseqartartua Zubaier Butt Hussein oqarpoq tamatuma naqisimaneqarani oqaaseqarseqarsinnaatitaanermut iluaqutaanissaa qularalugu.

Danmarkip Iran-imi aallartitaqarfiani Teheranimi aallartitaq Søren Haslund, ippassaq pingasunngornermi Iran-imiut nunanut allanut ministereqarfiannut aggersarneqarpoq, Muuamaat ilaarutigalugu titartakkat aviisini saqqumersinneqaqqinnerat assuaralugu nalunaarfigineqarluni.