Tamaat ataatsimut: Sapaatip akunnerani matumani uani akiuussuserneqarsinnaavutit
Nunatsinni tunillatsissimasut maanna 44-pput – nunatsinnilu coronamik siorna marsimi tunillatsissimasoqaqqaarneranit aatsaat taama amerlatigalutik.
64 procentit akiuussutissamik siullermeertumik kapitissimapput.
46 procentit tamakkiisumik akiuussutisserneqarsimapput.
35 procentillu akiuussutissamik kapitissimanngilluinnarlutik.
Matuma ataani sumi sapaatip akunnerani matumani kapitissinnaanerlutit takusinnaavat:
Nuummi:
16-ileereersimasut tamarmik aamma naartusut milutsitsisullu Inussivimmut siullermeertumik aappassaanilluunniit kapitinnissamut takkussinnaapput.
Taakku siullermermik juulip arfernani siusinnerusumiluunniit siullermeertumik kapitissimagunik aappassaanik kapitissinnaapput.
Ukiut malillugit takkunnissamut piffissat – uani på nun.gl-imi takusinnaavatit.
Sisimiuni sisamanngorneq tallimanngornerlu:
Sisamanngorneq aggustip tallimaat aamma tallimanngorneq aggustip arfernat:
16-ileereersimasut tamarmik aamma naartusut milutsitsisullu Inussivimmut siullermeertumik aappassaanilluunniit kapitinnissamut takkussinnaapput. Aappassaanik kapitissaguit siullermermik juulip qulingiluaanni siusinnerusumiluunniit siullermeertumik kapitissimassaatit.
Sisimiuni akiuussutissamik kapitissaguit piffissaq aalajangersimasoq takkutissaatit - uani nun.gl-imi takuuk.
AAMMA ATUARUK Coronapas pisiniarfinni piumasaqaataassanngilaq: Malittarisassat unnuap-qeqqanit atuutilertussat aaku
Avannaata Kommunia nunatsinni kommunini tunillatsissimasoqarnerpaavoq. Upernavimmi nunaqarfimmilu Tasiusami
Avannaata Kommunia er den kommune i landet, hvor der er flest smittede lige nu. I Upernavik og bygden Tasiusaq. i landet lige nu.
Namminersorlutik Oqartussat akiuussutissamik kapitittoqarnissaanut sukateringaatsiarput. Arfininngornermut unnuap qeqqanit malittarisassat nutaat nunatta ilarujussuani atulersinneqarput – maanna tamakkiisumik akiuussutisserneqarsimaguit imaluunniit coronamik tunillatsissimannginnermik uppernarsaammik akunnernik annerpaamik 48-nik pisoqaassuseqartumik takutitseqqaarlutit ukununngarsinnaavutit:
- Neriniartarfiit, sutorniartarfiit, imerniartarfiit assigisaalu taakkulu silataaniiffiusinnaasortaat.
- Kulturikkut suliaqarfiit – matumani kulturikkut illorsuit, filmertarfiit, katersugaasiviit saqqummersitsiviillu.
- Innuttaasut illui assigisaalu.
- Atuakkanik atorniartarfiit.
- Illup iluanilu silami eqaarsaarnermi atortut – matumani eqaarsaartarfiit, timersortarfiit, naluttarfiit, timigissartarfiit arsaattarfiillu ilanngullugit.
- Nujalerisut, tagiartuisartut, pinnersartittarfiit assigisaalu.
Tamakkiisumik akiuussuserneqarsimanissat ukunani piumasaqaataanngilaq:
- Init taakkulu nunataat atugassanik piniarfittut atorneqartut – tassa pisiniarfiit.
- Allakkeriviit.
- Mittarfiit.
- Pisortani kiffartuussinermi init (assersuutigalugu kommunimi) aamma nukissiorfiit.
- Pisortat assartuinermut atatillugu utaqqisarfiini assartuissutaannilu.
- Politikkikkut katersuunnerit
- Ulluunerani paaqqutarinniffiit
- Atuarfiit
- Ilinniarfeqarfiit
- Utoqqaat illui
Tamakkiisumilli akiuussutisserneqarsimanissamut imaluunniit misissortissimanissamut malittarisassat nutaat nunatsinni tunillatsissimasut amerlassusaannut ingattarserluni qisuariarnerunngitsutut Inuit pisinnaatitaaffii pillugit siunnersuisoqatigiit nalililerpaat.
- Malittarisassat atuutsinneqalersut ingasattutut inuiluunniit pisinnaatitaaffiinik unioqqutitsisutut isiginngilavut, unammillernartortaqarpulli, Sara Olsvig sermitsiaq.ag-mut oqarpoq.
Aasianni, Upernavimmi Upernaviullu qanittuani inuit 20-nit amerlanerusut katersuuteqqusaanngillat tamanillu ornigarfigineqarsinnaasuni kikkut tamarmik qanermut assiaquteqassapput.
Tamanna aqunneqarsinnaanngitsumik tuniluuttoqarneranik pissuteqarpoq.