Kunngikkormiut tikeraarnerat Tallimanngorneq: Kunngikkormiut Sisimiut tikeraassavaat

Kongehuset.dk naapertorlugu pilersaarutit imaapput:

Pisortatigoortumik tikilluaqqusineq nal. 10.00
Borgmester Hermann Berthelsen kommunalbestyrelsimilu ilaasortat tikilluaqqusissapput.

Illoqarfimmi angalaarneq
Nal. 10.45
Kunngikkormiut illoqarfimmi angalaarunneqassapput, ilaatigut Knud Rasmussenip Højskoliani seqernup nukinganik nassuiaasoqassalluni.

Cykelertarfik skateboardertarfillu alakkarneqassaaq
Nal. 11.15

Cykelertarfik skateboardertarfillu alakkarneqassaaq, tassanilu meeqqat inuusuttullu kunngikkormiunut takutitsissapput.

Taseralimmi ulloqeqqasiorneq
Nal. 12.00
Ulloqeqqasiornerup nalaani meeqqat inuusuttullu nipilersornermik aturfimmiut aliikkusersuissapput. 

Pisuttuartarfik alakkarneqassaaq
Nal. 13.00
Kunngikkormiut pisuttuartarfimmi, illoqarfiup tasiata sinaatigoortumi, pisuttualaassapput.

Inuusuttut ornittagaannut nutaamut pulaarneq
Nal. 13.40
Tassani kunngikkormiut sumiiffimmut pilersaarutinik oqaluttuunneqassapput illulu nukissiuutinik atuivallaanngitsoq alakkassallugu.

SSP-p illuutaanut pulaarneq
Nal. 14.05
SSP-p illuutaanut pulaarneq, illu qarmagassianik nungusaataanngitsunik sanaajuvoq. Tassani pulaarneranni kunngikkormiut naluttarfittaassamut pilersaarutinik oqaluttuunneqassapput.

KTI Tech Collegemut ARTEK-imullu pulaarneq
Nal. 14.55
Kunngikkormiut pulaarneranni arktisk inginiørinngorniartarneq sammineqassaaq.

Illoqarfimmi takornariarneq
Nal. 16.00
Kunngikkormiut illoqarfik takornariassavaat ilaatigullu ARTEK-imi ilinniartut ineqarfiat saneqqunneqassalluni.

Kunngikkormiut umiaersuaanni Dannebrogimi ilassinninneq
Nal. 18.00
Kunngikkormiut Kunngikkormiut umiarsuaanni Dannebrogimi ilassinninnermut aggersaapput.

Inuulluaqqusineq
Nal. 20.15
Kunngikkormiut umiarsuaat Dannebrog Nipisaty tungaannut aallassaaq – sumiiffimmut UNESCO-mit illersugaasumut. Umiarsuup aallarneranut atatillugu sumiiffik pillugu paasissutissiisoqassaaq aammalu sumiiffiup World Heritagemut ilanngunneqarnissaanut siunnersuuteqarnissaq katersugaasivimmi pisortaasimasumit Claus Andreasenimit saqqummiunneqassalluni. 

Kunngikkormiut Nunatsinnut tikeraarneranni pilersaarutit tamakkiisut kunngikkormiut pisortatigoortumik nittartagaanni takuneqarsinnaapput.