Talibanit sorsunneqartuarsinnarput
Afghanistanimi naalakkersuisut akuerisinnaanngivippat naalakkersuisuusimasut Taliban-it ilaasortaasa perulluliortitsinerat annertusigaluttuinnartoq, taamak oqarpoq Afghanistanip præsidentia Hamid Karzai, nunat tamalaat suleqatigalugit ajornartorsiutinik iluarsiiniartoq.
Sapaatit akunnerini kingullerni inuit 600 tikilligut toqutaasimapput, tamannalu unitsittariaqarpoq Karzai oqarpoq. Taamatut nalunaaruteqarneq patsiseqarpoq Afghanistanimi Amerikamiut sisamat Taliban-inik akersuunnermi kingorna toqutaasimanerisa kinguneratigut. Toqutaasut sisamat saniatigut Amerikamiut sakkutuuat ataaseq ikiligaavoq.
Sapaatit akunneri marluk kingulliit ingerlaneranni, Talibanit uppisitaanerannit ukiut tallimat matuma qaangiusimalereernerannit, akersuunnerit sakkortunerpaat pipput. Sakkutuut tusintilikkaat nunani tamalaaneersut Afghanistanip kujasinnerusortaani nunap immikkoortortaani arlalinni maanna Talibaninik sorsupput. Peqataasut tassaanerupput amerikamiut, tuluit, canadamiut Afghanistanermiullu sakkutuui.