Talibanit Nunat Killiit illersortaannut saassussinertik sakkortusivaat
Peqqarniisaartartut Talibanikkut Afghanistanip kujasissuani sakkutuunut Nunat Killiit Illersuisoqatigiivinit siulersorneqartunut saassussinertik sakkortusivaat, taamaaliorsinnaanerallu nunami sanilerisami, Pakistanimi, naalagaaffiup isertortumik paasiniaasuinit toqqaannartumik ilaatigut ikiorneqarnikkut pivoq. Aviisimi New York Timesimi taama allaaserinnipput.
Allattoq Lotte Holm
marsip 26-at 2009 12:52
Amerikamiunit pakistanimiunillu tusarfiit isumaqataallutik oqarput, pakistanimiut ikiorsiinerat Pakistanimi naalagaaffiup isertortumik paasiniaasui, ISI, aqqutigalugu pisoq, sakkutuut sakkulersorlutik sorsukkumatuut, islamiusut, soorlu Taliban, ISI-p akuttunngitsumik ataatsimeqatigisarpai.
ISI-p taama ataatsimeeqateqartarnera uppernarsaatissaqarpoq, tassa ataatsimiinnerat anngiortumik tusarnaarneqartarsimavoq aamma tusarfiit tutsuviginartut tamanna uppernarsatarsimagaat oqaatigineqarpoq. Aallaasit imassaannik ikummatissanillu Talibanikkut nunguutsileraangamik ISI-mut isertortumik ataatsimiinnerni piniartarsimanissaat ilimagineqarpoq.
