Talibanip Afghanistanimi pinersartittarfiit tamaasa matoqqugai
Afghanistanimi arnat najuuffigisinnaasat killeqaqimmata pinnersartittarfiit naapittarfigisaraat, Kabulimiu oqarpoq.
- Pinnersartittarfiit qaammat ataaseq qaangiutsinnagu matuneqassapput, ileqqorissaarnissamut ministereqarfiup oqaaseqartittagaa Mohammad Sadiq Akif oqarpoq.
Allattoq Ritzau
juulip 05-at 2023 08:50
Nutserisoq Ivik Kristiansen
Afghanistanimi pinnersartittarfiit qaammat ataasiutinnagu matussapput.
Taliban taama aalajangertoq, nunap ileqqorissaarnermut ministereqarfiata nalunaarutigaa.
Tamanna arnat Afghanistanimi najuuffigisinnaasaannik killilersuinermut iliuutsinut arlalinnut ilaavoq.
- Pinnersartittarfiit qaammat ataaseq qaangiutsinnagu matuneqassapput, ileqqorissaarnissamut ministereqarfiup oqaaseqartittagaa, Mohammad Sadiq Akif oqarpoq.
Talibanikkut arnanik killilersuinerat amerlasuunit isornartorsiorneqartarpoq.
Niviarsiaqqanut ilinniarnertuunngorniarfiit amerlanerpaat siorna matuaat. Tamatuma saniatigut arnat ilisimatusarfinnut iseqqunngilaat, arnallu ikiuiniartartut sulinerat akornusersorlugu.
