Talibanikkut USA-mik eqqisseqatigiinnissamut isumaqatigiissut nalorninartoqalersikkaat
![](/sites/default/files/styles/image_934x467/public/article_images/20200302-181357-l-1920x1280we.jpg?itok=IaPCxC1a)
Afghanistanimi Talibanikkut nunap immikkoortuini marlunni sakkutuunik politiinillu 20-nik toqutsipput.
USA-p pikititsisullutik islamisiortut eqqisseqatigiinnissamik isumaqatigiissuteqarnerannit ullut ikkittut qaangiutiinnartut taama pisoqartoq, atorfilittat paasissutissiissutigaat.
Eqqisseqatigiinnissamik isumaqatigiissut naapertorlugu Talibanimeersut isumaqatigiissut malissappassuk USA-p sakkutuui 13.000-it nuna qaammatit 14-it qaangiuppata qimattussaavaat.
Aamma USA-p iligiivinit sakkutuut, taakkununnga danskit sakkutuut 150-it ilaallutik, nuna qimassagaat isumaqatigiissutigineqarpoq.
USA-p præsidentiata, Donald Trumpip, Talibanikkut politikkikkut siuttuannik oqaloqateqarneranit akunnerit arlaqanngitsut qaangiuttut Talibanimeersut Kunduzimi saassussipput.