Afghanistanip sakkutuui talibanerillu provinsini arlalinni arfininngornermi sapaammilu sakkuaapput.Assi: AFP/Ritzau Scanpix

Talibanererpaluit USA-p sakkutooqarfimmik tunniussinerani sakkuaannermi toqutaasut

USA-p Afghanistanimi Helmand-provinsimi sakkutooqarfimmik tunniussinerani, nunami tassani sumiiffinni assigiinngitsuni sakkuaattoqarpoq.

Talibanimeersut 100-t sinnillit pikititsisut Afghanistanimi sakkutuunit nalunaaquttap akunneri 24-t ingerlaneranni toqutaasimasut, Afghanistanimi nunanut allanut tunngasunut ministeqarfik sapaammi paasissutissiivoq.

Afghanistanimi pikisitsisut sumiiffinni arlalinni takussaapput, amerikamiut sakkutuui nunallu allat sakkutuui Afghanistanimit aninerisa nalaanni.

USA-p Afghanistanimi sakkutooqarfini Afghanistanip sakkutooqarfianut sapaammi tunniuppaa.

AAMMA ATUARUK USA Afghanistanimi sakkutuuminik angerlartitsinialersaartoq

Ameikamiut sakkutooqarfiat Afghanistanimi sakkutuut immikkut piginnaanillit, USA-p Natollu sakkutuuinit peqqarniisaarniarnermik pinaveersaartitsinermik sungiusarneqarsimasut, atortalissavaat.

USA-p sakkutuui Kandahar-provinsimi talibanerinut arfininngormat silaannakkut saassussisimasut, Afghanistanimi illersornissamut ministereqarfik nalunaarpoq.

Afghanistanip sakkutuui talibanerillu provinsini arlalinni arfininngornermi sapaammilu sakkuaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat