Savalimmiut naalakkersuisuisa siulittaasortaavat 47-nik ukiulik Bárður á Steig Nielsen Sambandspartiimeersoq.Assi: Tróndur Dalsgarð/Ritzau Scanpix

Talerperliuniat Savalimmiuni naalakkersuisunngortut

47-nik ukiulik Bárður á Steig Nielsen Savalimmiuni qinersereernerup kingorna naalakkersuisuni siulittaasunngorpoq, taassuma Aksel V. Johannesen taarserpaa.

Talerperliuniat partiivi Folkeflokken, Sambandspartiet Midterpartiellu naalakkersuisooqatigiilernertik ullumi arfininngornermi saqqummiuppaat.

Aalisarneq pillugu aaqqissuussaq nuannarineqanngeqisoq naalakkersuisoqatigiilertut allanngortinnissaa siunertaanni annerpaat ilagaat. Nunanit allanit aningaasaliisartut naalakkersuisut siuliisa Savalimmiunit peersinniarsimasaat naalakkersuisoqatigiilersunit ammaateqqinniarneqartussanngorput.

Akileraarutikinnerulernissaq siunertarineqarpoq, innutipiloorneranit inissaaleqisoqalersimanera inissianik assigiinngitsunik sanaartornikkut aamma aaqqiiviginiarneqassaaq.

- Savalimmiut tassaassaaq kikkut tamarmik assigiimmik atugaqarlutik ineriartornissamut periarfissaqarfissaat, naalakkersuisoqatigiilersuni siulittaasunngortoq Sambandspartiimeersoq Bárður á Steig Nielsen saqqummiinerminni oqarpoq.

Danmarkip Savalimmiullu atassutaat allanngortinniarneqassanersoq isumaqatigiissummi eqqaaneqanngilaq, naalakkersuisut siuliini taamaakkaluartoq.

Nunalli allanut tunngasunut Savaliummiut akuunerulernissaa partiit isumaqatigiissutaanni allassimavoq.

Aalisarnermut aaqqissuussaq nutaaq kinguariarujunnerusoq aalisarnermut naalakkersuisuusimasup Høgni Hoydal oqaatigaa.

- Sinnatupalaaq ajornerpaaq piviusunngornialerpoq.

- Aalisarneq namminersortunit tinguarneqalerpoq, nunanit allaneersullu piginnittunngulerlutik, Høgni Hoydal ugguaqisoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat