Talerperliuniat ajugaaffiginninngillat

Serbiami qinersineq talerperliunianit inuiaassutsimik pingaartitsisunit ajugaaffigineqanngilaq, naak taakkua partiat annerpaanngoraluartoq, qinersisullu pingajorarterutingajaannit qinerneqaraluartoq. Taama oqarpoq Serbiami qularnanngitsumik ministeriuninngortussaq.

- Talerperliuniat inuiaassutsimik pingaartitsisut qinersinermi ajugaanerassallugit kukkuneruvoq, taama oqarpoq Boris Tadic partimit allanngortitserusuttumit DS-imeersoq.

- Qinersisartut 2/3 deliisa partit demokrati-mik, EU-mut ilaasortanngornissamik, Haagimilu eqqartuussivimmik suleqateqarnissamik kissaateqartut qinerpaat, Boris Tadic oqarpoq.

Serbiami inatsisartuni amerlanerussuteqalissagaanni 125-nik tunuliaqutaqartariaqarpoq. Boris Tadic-ilu taamaaliorsinnaassaaq, tamatumanili pisariaqarpoq konservativit siulittaasuannik Vojislav Kostunica-mik suleqateqarsinnaanissaa.

Boris Tadic-ip ilaatigut nunap immikkoortuata Kosovop siunissaata isumaqatiginninniutigineqarnissaa eqqaavaa. Aamma mianersortumik sakkortusaarpallaaranilu ingerlatsiniarnissaq taavaa, tassami talerperliuniat nutaamik qinersisoqarnissaa anguniariaannaammassuk.

Taamaalilluni ministeriuninngortussaagunartup talerperliuniarnerpaat mianersuuttariaqarnerat nassuerutigaa.