Takutitsinermi patruuniviit atorlugit eqqartoq
Isiginnaartut 17-it ikilerneqarput, taakkua ilaat meeraasut, arlallillu annertuumik ikilerneqarlutik.
Sakkutuut sallunaveeqqutitut tigusarinninneq takutittussaavaat, sakkutuullu tigusarinnittunut eqqaassisussaallutik. Sakkutuut arsaattarfianni takutitsisoqaleruttortoq, nassuiaatissarsiuminaatsumik sakkutuut ilaata aallaasimi magasiinia patruuninik eqqortunik imalik atorlugu sakkutuut tigusarinnittuusaartut eqqaatilerpai.
Eqqaassiffigisaata nalaani isiginnaartorpassuaqarpoq, meeqqallu takusaqarluarumallutik isiginnaartuni sallersanngorlutik inississimapput. Taava sakkutuup aallaasini igippaa oqarlunilu: “uangaana kukkusimasunga”, taava politiinit tigusarineqarpoq. Pisoq politiinit maanna misissoqqissaarneqaleruttorpoq, tassa pinerluttuliornerunersoq, kukkunerunersoq eqqarsartaatsikkulluunniit ajutoornerunersoq paasiniarlugu.
Frankrigip præsidentiata pisimasoq tupaallaatigeqaa, ikiligaasimasullu napparsimmavimmut ullumi pulaarniarpai.