”Grand Princess” 1998-imi sanaajuvoq, taamanikkut takornarniutini nunarsuarmi annersaalluni.
Umiarsuarmi arfinilinnik naluttarfeqarpoq, neriniartarfiit arfineq-marluullutik, ilaasut 2.500-juussapput sulisullu nunanit assigiinngitsunit 64-ineersut ilaapput.
Tassa Qaqortumi innuttaasut takornarniutip taqqavaniinnerani marloriaammik amerlissapput.
Umiarsuaq Islandimi Reykjavikimiit Qaqortuliarpoq, Qaqortumiillu Canadami St. Johnsimukassaaq – angalaneralu New Yorkimi naammassissaaq.
”Grand Princess” ullumikkut Ikerasassuakkuusasaq.
Umiarsuaq 293 meterisut takitigaaq, arsaattarfittut pingasutut angissuseqarluni – tamanna ullumi eqqarsaatigineqarsinnaavoq, Danmark Lichtensteinilu isikkamik arsaallutik unammilerpata. Unammineq KNR TV-kkut aallakaatinneqassaaq.