Takornarniarpassuit Nuummut tikissapput
Takornarniartaallu alla “Aurora”, amerikamiunit pigineqartoq, nalunaaqutaq qulingiluanut Nuummut tikissaaq.
Inuit 2000-it missaanniittut “Aurora”-mut ilaapput, Nuullu saavani kisarsimassaaq. Ilaasut umiatsianik Nuummut apuunneqartassapput.
Flemming Nicolaisen Nuuk Tourismimeersoq oqarpoq piareersimanerarlutik.
Kulturikkut illorsuarmi Katuami pisussarpassuaqarpoq, workshopertitsisoqassagami. Erinarsoqatigiit appittassapput, qilaatersortoqassaaq, takornarniallu peqataarusuttut tikilluaqquneqarlutik.
Tammajuitsussarsiniarfeqassaaq, illoqarfillu takornarniarfigitinneqassalluni.
Flemming Nicolaisenip Nuummi innuttaasut qinnuigai sapinngisamik Nuup saavani biilernaveersaaqqullugitt:
- Tamassuma nalaani angallattorpassuussagamik. Bussertussat, pisuinnaallu imaaginnavittussaallutik. Taamaammat qanillivinngikkaluarlugu biilit inissinneqarsinnaassapput, pisuinnarlunilu alakkaasoqarsinnaassalluni, Nuuk Tourismip pisortaa radioaviisimut oqarpoq.
