Takornariut MS Fram Paamiuniit aallartippoq
Umiarsuaq takornariut MS Fram ippaassaani Paamiunut apuuppoq.
Oqaatigineqarporlu ukioq manna umiarsuit takornariutit atorlugit aasap ingerlanerani takornariarlutik tikittussat aatsaat taama amerlatigissasut.
Allattoq Louise M. Kleemann
maajip 29-at 2008 08:04
Siorna 2007-imi umiarsuit takornarianik ilaasullit 23.500-t nunatsinnut takornariarsimapput, ukiullu siuliani 17.500-uusimapput.
Ukioq manna piffissami angallavigineqarnerpaasup nalaani naatsorsuutigineqarpoq umiarsuarmut ilaallutik takornariat 25.000-t tikikkumaartut, kisitsillu taanna umiarsuarnik takornariartoqartalillarmalli aatsaat taama amerlatigisussatut tagginneqarpoq.
Kalaallit Nunaanni takornarialerisut GTE – ikkut naapertorlugit oqaatigineqarpoq umiarsuit 30-t sinneqartut Kalaallit Nunaata illoqarfiinut nunaqarfiinullu 385-riarlutik angalasaqattaartussaasut.
Nuummullugooq talittussat siornamut naleqqiullugu marloriaataassapput.
