Sarfannguit: Takornariat unnuisinnaanissaannut piareersimavugut
Sisimiut avannaatungaani Kangerluarsuk Tullermi ikuallannerup ilaa nakkutigineqarsinnaanngortoq nalunaarutigineqarpoq, Kangerluarsuk Tulliulli qinnguani annertuumik pujuliornera pissutaalluni Sisimiut Kangerlussuullu akornanni Arctic Circle Trailip aqqutaata ilaanik ingerlaannginnissaq qatserisartunit suli kaammattuutigineqarpoq.
Nunaqarfillu Sarfannguit tassunga atatillugu takornarianut periarfissiinissamut sillimasoq, nunaqarfimmi aqutsisut oqaatigaat.
Sarfannguit takornarianik pisuttunik tigusinissamik piareersimavoq.
Nunaqarfimmi aqutsisut siulittaasuat Paarnannguaq Jonathansen taama ilisimatitsivoq:
- Tamaani unnuisarfik ataasiinnaagami, taava taanna amigariataassappat sillimavugut atuarfimmi atuartut atuanngiffeqarneranni. takornariat arlaqassappata atuarfimmi unnuinissaannut periarfissaqartitsivugut, Itillimi Sarfannguanilu nunaqarfiup aqutsisuisa siulittaasuat Paarnannguaq Jonathansen taama oqarpoq.
