Takornariat unnuisarneri ikiliartorput
Unnuisarnerit nalunaarsorneqarsimasut 8.660-inik 2010-mi ikileriarput. Unnuisarnerit katillutik 216.141-nut appariarput, appariaat ukiup siulianut naleqqiullugu 3,9 procentiulluni. Kisitsisitigut paasissutissat Naatsorsueqqissaartarfiup saqqummiuteqqammisai taama takutitsipput.
Allattoq Nûno Isbosethsen
juunip 01-at 2011 07:09
Takornarissat nunatsinni unnuisartut ukiuni kingullerni ikiliartorput. Tamanna kisitsisit nutaat Kalaallit Nunaanni Naatsorsueqqissaartarfiup saqqummiussaani erserpoq.
Ukioq 2010-imi takornarissat nunatsinni unnuisut ukiup siulianit 4 procentimik ikilisimapput, tassa kisitsisinngorlugu ukioq 2009-imut naleqqiullugu 3.021-nik siorna ikilisimallutik.
Danmarkimiit Nunatsinnut takornarissat, tassa Danmarkip avataaneeratik toqqaannartumik nunatsinnut tikittut malunnaatilimmik ikilisimapput. Tassa siorna 19 procentinik ikilisimammata.
Akerlianik nunatsinnut takornarissat Danmarkip avataaneersut malunnaatilimmik amerleriaateqarsimapput. Takornarissat Danmarkip avataaneersut nunatsinni unnuisartut 14,5 procentimik amerleriaateqarsimapput.
