Takornariat umiarsuaat Aurora

Umiarsuaq takornariut Aurora 1887-inik ilaasoqarluni ippassaq Qaqortumeeriarluni ullumi Nuummiippoq. Umiarsuit takornarianik ilaasullit tikittartut taanna maannamut anginersaraat. Takornariat amerlanersaat Tuluit Nunaanneersuupput.

Takornariat Nuutoqqamut angallateeqqanik ikaassorneqartut alakkarterpavut:

- Tuluit Nunaata kujasinnerusortaanit Kentiminngaanneerpugut. Siorna Norgemut takornariarnitsinni nunat avannarliit orninnissaat soqutigilersimavarput, taamaalillutalu aamma Kalaallit Nunaat takornariarfigissallugu soqutigilersimallutigu. Tullianik Islandiliarnissatsinnik pilersaarpugut. Kalaallit Nunaat assut alianaappoq, takornariat aappariit Kentiminngaanneersut oqarput.

Takornarianut nuutoqqami tuniniaarrattut ilaat, Marie Nielsen Arktis Gaveshoppimeersoq oqaluttuarpoq, takornariat suminngaanneernerat apeqqutaalluni pisiassat assigiinngitsut pisiarineqartartut.

Olga Motzfeldt, aamma Arktis Gaveshopimeersoq unnersiorpoq takornariat pisiniarfimminni tujuuluaqqanik, sanalukkanillu kusanartulianik kalaalerpaluttunik pisiortuullualeriivissut. Isertitaqarluarnissartillu naatsorsuutigaa.

Nuuk Tourismemi pisortap, Flemming Nicolaisenip oqaluttuaraa, ilaatigut arfernik takornariartitsineq aaqqissuussimagitsik:

- Arfernik alakkaatitsinerit, illoqarfiup iluani angallassinerit kiisalu aamma Katuami kulturitsinnut tunngasunik takutitsinerit ilaatigut ingerlanneqassapput, Flemming Nicolaisen oqarpoq.

Taassuma aamma oqaatigaa, umiarsuarmik tikittoqarnerani aatsaat taama niuffissami sillimaniarneq annertutigisimasoq, ilimagaalu Tuluit Nunaanni qaartartumeerisimanerup tamanna kingunerigaa.

Umiarsuit takornariutit 17-it ukioq manna Nuummut aqqusaassapput. Tikittussat siornatigornit ikinnerugaluartut takornariat amerlassusaat nikingavallaassanngitsut aamma oqaatigineqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat