Sapaatip-akunnerata naanerani, takornariat 80-it, Norgemi Lofotenimi qeqertat akornanni, arfernik takusassarsiortillutik, arfeq isiginnaagartik arfannianit pisarineqartoq takuaat.
- Arferit takuniarlugit takornariatut taamatut angalavugut, aamma takorusunngilluinnarsimavarput arfeq toqunneqartoq, takornariaq Holland-imeersoq Leontien Dieleman, tupassimaqaluni arfattunik takunnissimasoq, nutaarsiassaqartitsivimmut, Associated Press News-imut oqaluttuarpoq.
Takornarianik angallassisup Geir Maan-ip siunertarisimanngikkaluarpaa, takornariat ilaasorisami arfermik pisaqartumik takunissaat.
- Arfanniut qanillingaatsiareeripput, aatsaat paasilerpara, angallatip arfeq pisariniarlugu ummiussimagaa, tamannalu ajuusaarnarpoq, takornarianik angallassisoq, angallammilu aquttuusoq Geir Maan oqarpoq.
Norgemi aningaasarsiutigalugu arfanniartarput, tamannalu nunanit arlalissuarnit akerlerineqartarpoq. Norgemi naalakkersuisut ukioq mannaannaq 1052-nik arfattassiisimapput, ukiumut siulianut sanilliullugu arfattassat 30 procentimik amerlanerullutik.