Takornariat sinerissami angallanneqalerput

apriilip 25-at 2006 17:04

Ulluni kingullerni avannaq-kippasimmik anorlertarmat kujataani immakkut angallanneq ajornaquteqanngitsumik ingerlanneqarsinnaavoq, sikunik alapernaarsuisoq Torben Jakobsen Narsarsuarminngaanniit taama ilisimatitsivoq.

Ilaasartaat takornarianik ilaasoqartartoq Disko II pilersaarutit malillugit aqagumiit Narsarsuarminngaanniit aallartittussamik kujataani angallassilersussaavoq, maajillu qeqqata missaata tungaanut kujataanit avannaanut takornarianik angallassisussaalluni, oktobarip qiteqqunnerata tungaanut Qaanaaq tikillugu takornarianik angallassissassalluni.

Sinersortaat Sarfaq Ittuk ullaaq Nuummiit kujammukaarluni aallarpoq, pilersaarutillu malillugit Paamiutigoorluni Qaqortuliassalluni, Arctic Umiaq Line-mi tunisinermut nittarsaanermullu pisortaq Jette Larsen radioaviisimut oqarpoq.