Takornariat pillugit periusissat akueraat

Nunarput tamakkerlugu takornariartitsinermi periusissaq, 2008-mit 2010-mut atuuttussaq, Naalakkersuisut akuereqqammerpaat.
Allattoq Mads Lynge
decembarip 21-at 2007 07:52

Naalakkersuisut kissaatigaat, takornariaqarnerup inuiaqatigiit aningaasarsiornerannut sunniutai ukiuni tulliuttuni annertusaavigineqassasut, kiisalu Kalaallit Nunaata aningaasarsiornerani inuussutissarsiutit pingaarnerit akornanniittutut imminut napatissinnaanerulissasoq.

Takornariaqarnermut iliuusissat immikkoortunut arfinilinnut agguataarneqarput, ukununnga:

Attaveqaqatigiinneq, piginnaanngorsaaneq suliffeqartitsinermilu pissutsit, tunisassianik inerisaaneq, avammut nittarsaaneq, aaqqissuussineq aamma aaqqissugaanikkut alaatsinaanneq misissueqqissaarnerlu.

Iliuusissani tamani killiffik naatsumik allaaserineqarpoq, tamatumalu kingorna immikkoortuni ataasiakkanni suliniutissat pingaarnerit allaaserineqarlutik.