Takornariat nunatsinnut tikittut ukiormanna amerlapput

Takornariat nunatsinnut tikittartut manna tikillugu amerlapput. Takornariat timmisartunut ilaasut amerlapput Kalaallit Nunaannilu feriarniartut amerliartorput. Aasaaneranni qaammatini pingasut takornariat amerlapput.

Kisitsisit tamakkiisut suli saqqummiuneqanngikkaluartut aasaanerani takornariat tikittartut amerlanerat malunnarpoq. 

Timmmisartunut ilaasut 9 procentinik amerlanerupput, taakkunani kalaallit danskillu ikinnerulersimallutik.  

Takornariat tikittartut aasaanerani qaammatini pingasuni tikittartut 9 procentinik amerlanerupput. Taamannalu nutaarsiassaavoq ajungilluinnartoq,  Visit Greenlandimi pisortaq Anders Stenbakken oqarpoq.

 

Tuniniaaneq nittarsaassinerlu iluatsilluartut

Najukkani takornariaqarnermik suliaqartartut suliniuteqarluarsimanerat pissutaalluni takornariat amerlasuut timmisartumik nunatsinnukartartut Anders Stenbakken oqarpoq.  


- Takornarianik assigisaanillu suliaqartut annertuumik suliaqarnerat pissutaalluni tuniniakkamminnik iluatitsilluarput, Stenbakken oqarpoq.
 
Ajukkunangalu oqaatigisinnaavara tunisassianik ineriartortitsineq pilersaarisarnerlu pikkoriffiginerulersimagatsigu, Visit Greenlandimi pisortaq oqarpoq.

Timmmisartortitsiseqatigiiffimmi Air Greenlandimi tuniniaalluni rekordiliinerit aasarmanna tulleriiginnaat pipput.
Air Greenlandimi tuniniaanermi pisortap Anika Kroghip atatigiissaarluakkamik tuniniaalluni sulisimaneq rekortiliisimanerput pissutaanerarpaa.

Billitsinik pisineq ajornannginnerulersoq


Air Greenlandimi billitsinik pisisarnerup ajornannginerulersimanera Air Greenlandimut iluaqutaasimasorujussuuvoq, nunarsuaq tamakkerlugu billitsinik tuniniaavimmi Amadeusimi tuniniaasinnaalernissamut aningaasaliinermigut.
 
Angalatitsisartutut nunarsuarmi sumiikkaluaruilluunniit Amadeusillu tuniniaavianut isersinnaaguit taava tassani Air Greenlandip neqeroorutai takuneqarsinnaapput angalanermilu akit aamma takuneqarsinnaallutik, Air Greenlandimi tuniniaanermi pisortaq Anika Krogh oqarpoq.

 

Aamma atuaruk Air Greenland aasaanerani angallassinikkut pilersaaruterpassuaqartoq

       Aamma atuaruk:naalakkersuisut-mittarfiit-pingaartillugit-iliuuseqarniartut

Allanngortikkuminaatsoq

Anders Stenbakkenip tikkuarpaa, takornariat nalinginnaasumik tikittarnerat sioqqullugu aamma piffissap taassuma kinnguninngua tikitallernissaannik ineriartortitsinissaq isiginiarneqartoq, taamaalilluni takornariat tikittarnerisa amerlanerpaaffigisartagaanni taammaallat tikittarnerat kisimi pisassanngimmat.

Aamma atuaruk : Ilulissani akunnittarfik ajunngitsup tungaanut aallartoq

 

Takornariat tikittartut ukiup ingerlanerani aasakkuinnaanngitsut tikittalernissaat anguniarneqapoq.

Unammillernartuali unaavoq, takornariat amerlanerpaaffiini akunnittarfiit ulikkaaqqasarmata

Akunnittarfiutillit akunnittarfinnik nutaanik sanasinnaapput kisiannili tassa aalajangerniarneq ajornakusuussaaq takornariammi tikittartut ikinnerpaaffigisartagaanni akunnittarfiit inoqartassanngimmata.

- Pissusit sungiusimasat allanngortinniarneri tamatigut ajornakusoortarput, Anders Stenbakken oqarpoq.


Takornariammi amerlanerpaaffiini takornariat amerlanerusut tikisittuaannarsinnaanngilagut aammalu oqarsinnaanata takornariat amerlanerusut tikittarfiisa avataatigut tikisittalerlutigit, akunnittarfinni unnuisarnerit amerlanerussammata,

 
Takornariat tikittartut amerlanerit Amerika Avannarlermit, Tuluit Nunaannit Tysklandimiillu pisuupput. Aammali nunani allaneersut ilimaginngisat tikittarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat