Takornariat Kalaallit Nunaat nuannarivaat
Paasineqarpoq umiarsuarsuarnik takornariat 93 procentii aatsaavissuaq maaniittartut, 64-inillu ukioqanngikkuni utoqqaanerulaartartoq. Misissuineruttaaq takutippaa umiarsuarmik takornariat tulakkaangamik tamarmik nunamut ikaartartut - tassa 96 procentit, taakkuli sisamararterutaannaat nunami angalaarnissamik aaqqissuussanik pisisartut.
Kisianni nuannareqaativut - Kalaallit Nunaanni takornarianut inussiarnersuuneq annertuvoq, misissuinermi ilaatinneqarsimapput illoqarfiit Ilulissat, Sisimiut, Qaqortoq Nanortalillu.
Takornarianut tunisaqartarnermi Ilulissat siuttuupput. Takornariat umiarsuarmiit nunamukartut 61 procentiisa agguaqatigiissillugu 128 euro pisissutigisarpaat, tassa 750 koruunit, nerisassanut, taxanut, tammajuittunut, katersugaasivinnut pulaarnernut ilaallu ilanngullugit. Sisimiuniinnerminni taamaallaat 40 procentii pisiaqartarput, aningaasanillu atuinikinnerusarlutik. Taamatuttaaq Qaqortumi Nanortalimmilu ileqqulersortarput.
